ԵՐԵՎԱՆ, 29 մայիսի – Sputnik. Նորզելանդական «Air New Zealand» ավիաընկերությունը որոշել է իր ուղևորներին ձեռքի ուղեբեռի հետ կշռել հաջորդ հինգ շաբաթվա ընթացքում հետազոտություն անցկացնելու համար։ Տեղեկությունը հայտնում է ՌԻԱ Նովոստին՝ հղում անելով «1News» հեռուստաալիքին:
Ըստ հեռուստաալիքի` ավիաընկերության ներկայացուցիչը հայտարարել է, որ փոքր–ինչ անսովոր միջոցառումը կարևոր է, քանի որ հնարավոր կլինի հասկանալ այն ամենի քաշը, ինչը մտնում է ինքնաթիռ»:
«Ուղևորների կամ հաճախորդների, անձնակազմի և ձեռքի ուղեբեռի համար մենք օգտագործում ենք միջին քաշը, հենց դա էլ ցույց կտա ուսումնասիրությունը»,-բացատրել է «Air New Zealand»-ի ներկայացուցիչը:
Հետազոտությանը կմասնակցի առնվազն 10 հազար մարդ։