ԵՐԵՎԱՆ, 28 մայիսի – Sputnik. Թուրքիայում քվեաթերթիկների 40%–ի մշակումից հետո նախագահական ընտրությունների երկրորդ փուլի առաջատարը գործող նախագահ Ռեջեփ Թայիփ Էրդողանն է։ Այս մասին, Anadolu գործակալությանը հղում անելով, հայտնում է ՌԻԱ Նովոստին։
«Էրդողանի օգտին քվեարկել է ընտրողների 57%–ը (ավելի քան 9 մլն քվե), Քըլըչդարօղլուի` 43%–ը (ավելի քան 6 մլն քվե)», – հայտնել է գործակալությունը։
Միևնույն ժամանակ թուրքական ընդդիմադիր Anka գործակալությունը պնդում է, որ երկրորդ փուլում 44% քվեաթերթիկների մշակումից հետո 2%–ի տարբերությամբ առաջատար է Քըլըչդարօղլուն։
Թուրքիայում նախագահական ընտրությունների երկրորդ փուլն անցկացվեց այսօր, ընտրատեղամասերը բաց էին տեղի ժամանակով առավոտյան ժամը 08.00–ից մինչև 17.00–ն։ Նախագահի աթոռի համար պայքարում են Թուրքիայի գործող նախագահ Թայիփ Էրդողանն ու ընդդիմության միասնական թեկնածու Քեմալ Քըլըչդարօղլուն։