ԵՐԵՎԱՆ, 22 մայիսի – Sputnik. Եկեղեցու որոշ ներկայացուցիչներ անցել են վիրավորական բառապաշարին։ Այսօր լրագրողների հետ հանդիպմանը հայտարարեց ՀՀ վարչապետ Նիկոլ Փաշինյանը՝ անդրադառնալով Հայ առաքելական եկեղեցու արձագանքին՝ Դիլիջանում իր արած հայտարարությանը։
Դիլիջանում Նիկոլ Փաշինյանը հայտարարել էր՝ եթե եկեղեցին ուզում է քաղաքականությամբ զբաղվի, նրան ոչինչ չի խանգարում, որ կուսակցություն ստեղծի։ Անմիջապես հետևել էր Մայր աթոռի արձագանքը՝ եթե ոմանք ուզում են եկեղեցագիտությամբ զբաղվել, ապա կարող են ընդունվել հոգևոր ճեմարան, եթե, իհարկե, հաղթահարեն ընդունելության համար սահմանված կրթական շեմը և համոզիչ փաստարկներ ներկայացնեն առողջական բարվոք վիճակի վերաբերյալ։
«Եթե եկեղեցու մասին իմ հայատարությամբ ես անպատեհ մեղադրանքի ֆոն եմ ստեղծել իրենց հոգևոր ծառայությունը բարեպաշտ և ազնիվ ձևով իրականացնող բազմաթիվ այլ հոգևորականների նկատմամբ, ես ներողություն եմ խնդրում»,- ընդգծեց նա։
Ըստ Փաշինյանի՝ քաղաքական մրցակիցներին վիրավորելը ճիշտ ժանր չէ, սակայն հակադարձեց այսպես․ «Եսհույս ունեմ, որհոգևոր ճեմարանն ավարտածև բարձրաստիճան պաշտոններ զբաղեցրած բոլորանձինք հոգևոր ճեմարանընդունվելիս և ավարտելիս բավարար փաստերներկայացրել են իրենց հոգևոր, մարմնական, ընդհուպ մինչև սեռական առողջության վերաբերյալ։ Համոզված եմ, որ ներկայացրել են․ այնպես որ՝մտածելու շատ բանչկա»։
Հիշեցնենք՝ մայիսի 19-ին Տավուշում դպրոցականների հետ հանդիպմանը ՀՀ վարչապետ Նիկոլ Փաշինյանը հայտարարել էր՝ եթե եկեղեցին ուզում է քաղաքական գործունեություն ծավալել, Հայաստանը ժողովրդավարական երկիր է, կարող է կուսակցություն ստեղծել ու դրա շրջանակներում նաև քաղաքական գործունեություն ծավալել։
Դրանից առաջ` ապրիլի 20-ին Ամենայն հայոց կաթողիկոս Գարեգին Բ-ն ճեպազրույցի ժամանակ հայտարարել էր, որ իշխանության և եկեղեցու համագործակցությունը ցանկալի մակարդակի վրա չէ՝ հիշեցնելով, որ շարունակում են պահանջել վարչապետ Նիկոլ Փաշինյանի հրաժարականը: