ՌԴ ՔԿ-ն հեռակա մեղադրանք է առաջադրել միջազգային քրեական դատարանի դատախազին և դատավորին

ԵՐԵՎԱՆ, 21 մայիսի – Sputnik. Ռուսաստանի Քննչական կոմիտեն հեռակա մեղադրանք է առաջադրել միջազգային քրեական դատարանի դատախազին և դատավորին: Մեղադրյալների նկատմամբ հետախուզում է հայտարարվել։ Տեղեկությունը հայտնում է ՌԴ Քննչական կոմիտեի տելեգրամյան ալիքը։

Գերատեսչության տվյալներով՝ այս տարվա փետրվարի 22-ին Միջազգային քրեական դատարանի դատախազ Խան Քարիմ Ասադ Ահմադը միջնորդություն է ուղարկել II միջազգային քրեական դատարանի նախնական վարույթի պալատ՝ Ռուսաստանի քաղաքացիների ձերբակալման օրդեր ստանալու համար: Միջազգային քրեական դատարանի դատավորներ Տոմոկո Ականեն, Ռոզարիո Սալվատորե Այտալան և Սերխիո Խերարդո Ուգալդե Գոդինեսան անօրինական որոշումներ են կայացրել Ռուսաստանի Դաշնության նախագահի և ՌԴ նախագահին առընթեր Երեխայի իրավունքների հանձնակատարի ձերբակալման վերաբերյալ:

Նշվում է նաև, որ դատախազի գործողությունները հետաքննությունը որակվում է Ռուսաստանի Դաշնության քրեական օրենսգրքի 299-րդ հոդվածի 2-րդ մասով, 30-րդ հոդվածի 1-ին մասով, 360-րդ հոդվածի 2-րդ մասով նախատեսված հանցագործությունների հատկանիշներով (ակնհայտ անմեղ մարդուն քրեական պատասխանատվության ենթարկելը, զուգորդված անձի ապօրինի մեղադրանքի հետ առանձնապես ծանր հանցագործություն կատարելու մեջ, ինչպես նաև նախապատրաստվելով հարձակվելը օտարերկրյա պետության ներկայացուցչի վրա, որն օգտվում է միջազգային պաշտպանությունից՝ միջազգային հարաբերությունները բարդացնելու նպատակով)։

ՄՔԴ մինչդատական պալատը, որի իրավասությունը Ռուսաստանը չի ճանաչում, մարտի 17-ին ՌԴ նախագահ Վլադիմիր Պուտինի և երեխաների օմբուդսմեն Մարիա Լվովա-Բելովայի «ձերբակալման» օրդեր է տվել: ՄՔԴ-ն ռուսական կողմին մեղադրում է նաև այն երեխաների «արտաքսման» մեջ, որոնց ռուսական իշխանությունը փրկել է ուկրաինական գնդակոծություններից և ռազմական գործողությունների գոտուց անվտանգ շրջաններ տեղափոխել: