ԵՐԵՎԱՆ, 19 մայիսի – Sputnik. ՀՀ արդարադատության նախարարության «Սևան» քրեակատարողական հիմնարկի դատապարտյալներից մեկի հանձնուքում` կոշիկների մեջ արգելված իրեր են հայտնաբերվել։ Տեղեկությունը հայտնում է ՀՀ քրեակատարողական ծառայությունը։
«ՔԿՀ–ի ծառայողները մայիսի 19-ին՝ ժամը 13:40-ի սահմաններում, ռենտգեն սարքի միջոցով զննության են ենթարկել դատապարտյալ Է. Չ.-ի անվամբ բերված հանձնուքը: Այնտեղ առկա կոշիկների միջից հայտնաբերվել է 2 բջջային հեռախոս՝ թաքցված կրունկների հատվածում: Քրեակատարողական ծառայողները կանխել են դեպքը»,– ասված է հաղորդագրությունում։
Հանձնուքը բերած քաղաքացին բանավոր հայտարարել է, որ տեղյակ չի եղել հեռախոսներից, քանի որ կոշիկներն իրեն փոխանցել են նախորդ օրը:
Նախաձեռնվել է համապատասխան վարույթ: