Խոշոր ավտովթար Լոռու մարզի թունելում. տուժածներ կան

ԵՐԵՎԱՆ, 17 մայիսի – Sputnik. Այսօր Լոռու մարզում խոշոր ավտովթար է տեղի ունեցել, որի հետևանքով երեք մարդ է տուժել։ Տեղեկությունը հայտնում է shamshyan.com-ը։

Ժամը 08։45-ի սահմաններում «Lada Priora» մակնիշի ավտոմեքենան Ալավերդի-Վանաձոր ավտոճանապարհի 2-րդ թունելում դուրս է եկել հանդիպակաց երթևեկելի գոտի և բախվել «Toyota RAV4» մակնիշի ավտոմեքենային։

«Վթարի հետևանքով 3 հոգի մարմնական վնասվածքներով տեղափոխվել են «Վանաձոր» բժշկական կենտրոն»,–հայտնում է կայքը։

Քննչական վարչությունում նախաձեռնվել է վարույթ։ Ոստիկանները պարզում են վարորդների և վիրավորների ինքնությունը։

Ըստ ԶԼՄ–ի` «Toyota RAV4»-ը հաշվառված է ՀՀ ՆԳՆ ոստիկանության պարեկային ծառայության հաշվեկշռում։