ԵՐԵՎԱՆ, 13 մայիսի – Sputnik․ Կոտայքի մարզի Բալահովիտ գյուղի տներից մեկից անհայտ անձը կամ անձինք գողացել են 47-ամյա Ա․Հ․-ին պատկանող «Porche Panamera» մակնիշի ավտոմեքենան։ Տեղեկությունը հայտնում է shamshyan.com-ը։
Դեպքի մասին ահազանգել են առավոտյան 06։30-ին։
Նշվում է, որ մոտ 2 ժամվա ընթացքում անհայտ անձը կամ անձինք, օգտվելով տան հետնամուտքի դուռը բաց լինելու հանգամանքից, մտել են ներս և տնից հափշտակել 1,5 մլն դրամի ոսկյա զարդեր և 500–դրամանոց մետաղադրամներով պահոցը։
Տարել են նաև Mercedes մակնիշի ավտոմեքենայի բանալին։
Կայքի տեղեկություններով՝ Ա.Հ.-ն Կոտայքի մարզում հայտնի գործարար է։ Վերջինիս պատճառվել է խոշոր չափի նյութական վնաս: