ԵՐԵՎԱՆ, 11 մայիսի – Sputnik. Ուկրաինական հատուկ ծառայությունները փորձել են հավաքագրել ԴԺՀ–ի արտակարգ իրավիճակների նախարարի առաջին տեղակալ Դմիտրի Կոստյամինին` սպառնալով հաշվեհարդար տեսնել նրա կնոջ նկատմամբ, որը ձերբակալվել էր Խարկովում։
Գերատեսչության տվյալներով` Դմիտրի Կոստյամինից պահանջել են գաղտնի տեղեկություններ փոխանցել Կիևին։
Մարտի 1-ին փոխնախարարի կինը Խարկով էր մեկնել մոր հուղարկավորության ներկա գտնվելու համար և ձերբակալվել էր ուկրաինական հատուկ ծառայությունների կողմից։
Ռուսական հատուկ ծառայությունների օպերատիվ գործողությունների արդյունքում պաշտոնյայի կինն ազատ է արձակվել։ Նա լքել է Ուկրաինայի տարածքը։