ԵՐԵՎԱՆ, 11 մայիսի – Sputnik. Վրաստանի վարչապետ Իրակլի Ղարիբաշվիլին կոչ է արել, որ բոլոր այն երկրները, որոնց դուր չի եկել Ռուսաստանի որոշումը, իրենք նույնպես չեղարկեն վիզաները Վրաստանի քաղաքացիների համար և վերսկսեն թռիչքները դեպի այդ երկիր: Նրա խոսքերը մեջբերում է ՌԻԱ Նովոստին։
«Եթե որևէ մեկին դուր չի եկել Ռուսաստանի հետ թռիչքների նշանակումը և առանց վիզայի ռեժիմը, ապա նրանք կարող են այլ չվերթեր բացել։ Օրինակ՝ ուղիղ չվերթեր բացելԱմերիկայի հետ, առանց վիզայի ռեժիմ սահմանել մեր քաղաքացիների համար ԱՄՆ-ում, Չինաստանում և այլն», - ասել է վարչապետը լրագրողներին։
Մայիսի 10–ին ՌԴ նախագահ Վլադիմիր Պուտինը որոշում կայացրեց մայիսի 15-ից չեղարկել Վրաստանի հետ վիզային ռեժիմը, ինչպես նաև ռուսական ավիաընկերությունների համար հանել այդ երկիր ուղիղ չվերթերի արգելքը: Միաժամանակ ՌԴ տրանսպորտի նախարարությունը հայտնել է, որ ռուսական ավիաընկերությունները նախապատրաստում են դեպի Վրաստան թռիչքների վերսկսումը։
Նախատեսվում է ռուսական ինքնաթիռներով շաբաթական յոթ ուղիղ չվերթ իրականացնել Մոսկվայից Թբիլիսի և հակառակ ուղղությամբ: