ԵՐԵՎԱՆ, 11 մայիսի – Sputnik. Սոթքի դիրքերի ուղղությամբ ադրբեջանական կրակոցների հետևանքով վիրավորված 4 զինծառայողներին Երևան տեղափոխելու կարիք դեռչկա։ Այս մասին կառավարութունում լրագրողների հետ զրույցում ասաց ՀՀ առողջապահության նախարար Անահիտ Ավանեսյանը։
«Նշված 4 զինծառայողները տարբեր տիպի վիրավորումներ են ստացել։ Նրանցից երկուսի վիճակը միջին ծանրության են, երկուսինը` բավարար։ Նրանք այս պահին Վարդենիսի բժշկական հաստատությունում են, եթե կարիք լինի՝ կտեղափոխեն Երևան»,–ասաց նախարարը։
Անդրադառնալով Ադրբեջանի ԶՈւ–ի կողմից այսօր շտապօգնության մեքենայի թիրախավորման դեպքին նախարարը նշեց, որ միջազգային բոլոր հարթակներն օգտագործվելու են նմանատիպ դեպքերի մասին բարձրաձայնելու և հետագայում միջազգային դատարանների դիմելու համար։
Հիշեցնենք` մայիսի 11–ի ժամը 06:00-ից սկսած Ադրբեջանի ԶՈւ ստորաբաժանումները հրետանային և ականանետային միջոցներից կրակ են բացել Սոթքի մոտ տեղակայված հայկական դիրքերի ուղղությամբ: Հայկական կողմն ունի 4 վիրավոր։ Ադրբեջանի զինված ուժերը կրակ են բացել նաև վիրավորում ստացած զինծառայողին տեղափոխող շտապօգնության մեքենայի ուղղությամբ:
Ադրբեջանական կողմը հայտնում է մեկ զոհի մասին։