ԵՐԵՎԱՆ, 9 մայիսի – Sputnik. ՀՀ–ում ՌԴ ՊՆ Հարավային ռազմական օկրուգի (ՀՌՕ) ռազմակայանում «Բուժաշխատողի օր» խորագրով միջոցառում կանցկացվի։ Տեղեկությունը հայտնում է ՀՌՕ մամուլի ծառայությունը։
Բուժաշխատողները վարժանքներ կանցկացնեն մարտադաշտից վիրավորներին տարհանելու, ընթացքում խոչընդոտներ հաղթահարելու, վիրավորներին և տուժածներին որակյալ բժշկական օգնություն ցուցաբերելու, հիվանդների տեսակավորման, բոլոր տեսակի վնասվածքներին համապատասխան բուժօգնություն ցուցաբերելու համար:
Միջոցառման հիմնական նպատակն է լինելու ստուգել զինվորական բժիշկների պատրաստվածության մակարդակը, զարգացնել նրանց հոգեբանական պատրաստվածությունը ծայրահեղ իրավիճակներում համարժեք գործողությունների համար: