ԵՐԵՎԱՆ, 8 մայիսի – Sputnik. «Հյուսիս-հարավ» ծրագրի Լանջիկ-Գյումրի 27,5 կմ ճանապարհահատվածի ամբողջական ասֆալտապատման և բետոնային կառույցների տեղադրման աշխատանքները նախանշված է ավարտել մինչև տարեվերջ։ Տեղեկությունը հայտնում է ՀՀ տարածքային կառավարման և ենթակառուցվածքների նախարարությունը։
«Հյուսիս-հարավ» ծրագրի Լանջիկ-Գյումրի հատված
Շինարարական աշխատանքների ընթացքին հետևելու համար նշված ճանապարհահատված են այցելել ՀՀ ՏԿԵ նախարար Գնել Սանոսյանը, Շիրակի մարզպետ Մուշեղ Մուրադյանը, «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը։
Նախարարը հետևել է աշխատանքների որակին, տվել հանձնարարականներ։
Պաշտոնյաները ծանոթացել են կատարված աշխատանքներին
Նա ծանոթացել է նաև Գյումրու սկզբնամասում իրականացվող Մ-1, Երևան-Գյումրի-Վրաստանի սահման միջպետական նշանակության ավտոճանապարհի հիմնանորոգման աշխատանքներին, որոնք մեկնարկել են այս տարի։