ԵՐԵՎԱՆ, 5 մայիսի – Sputnik. Թուրքիայի Բալըքեսիր նահանգում այսօր ավտովթարի հետևանքով առնվազն 33 մարդ է տուժել, հիմնականում՝ երեխաներ: Տեղեկությունը հայտնում է «Anadolu»–ն։
«Վարժարանի աշակերտներին տեղափոխող ավտոբուսը Բուրսա-Բալըքեսիր ճանապարհին` Սուսուրլուք գյուղի մոտ, բախվել է նույն ուղղությամբ ընթացող բեռնատարին»,- նշում է գործակալությունը:
Միջադեպի հետևանքով տուժել են ավտոբուսի վարորդը, վարժարանի աշխատակիցը և 31 աշակերտ։
Նշվում է, որ նրանց կյանքին վտանգ չի սպառնում։