ԵՐԵՎԱՆ, 4 մայիսի – Sputnik. Պաշտպանության նախարար Սուրեն Պապիկյանն այսօր վաղ առավոտյան անակնկալ ստուգայցով եղել է ՊՆ N զորամասերում։ Տեղեկությունը հայտնում է ՊՆ մամուլի ծառայությունը։
«Պաշտպանական գերատեսչության ղեկավարը հրամանատարական կազմերի ուղեկցությամբ շրջել է զորամասերի տարածքով, հետևել օրվա կարգացուցակով սահմանված միջոցառումների իրականացման ընթացքին, զորանոցային պայմաններին և տվել համապատասխան հանձնարարականներ»,– նշված է հաղորդագրության մեջ։
Սուրեն Պապիկյանն անակնկալ ստուգայցով եղել է ՊՆ N զորամասերում
© Photo : Հայաստանի Հանրապետության պաշտպանության նախարարություն/MoD of the RA
Ստուգայցի ժամանակ Պապիկյանը հանդիպել է նաև մարտական հերթապահության պատրաստվող ժամկետային զինծառայողների հետ: Նախարարը շրջել է զորամասերի տարածքում նոր կառուցվող շենք-շինություններում, ծանոթացել շինարարական աշխատանքների ընթացքին:
Եղել է նաև առաջնագծում, հետևել ինժեներական, դիրքերի կահավորման աշխատանքների ընթացքին: