«Հայը ջազում, ջազը բակում…»․ Գյումրիում ազդարարվեց ամենամյա փառատոնի մեկնարկը

Գյումրու ժողովրդական ճարտարապետության և քաղաքային կենցաղի թանգարանի բակում «MALKHAS JAZZ BAND»-ի համերգային ծրագրով ազդարարվեց «HAY-AT JAZZ» ամենամյա ջազային փառատոնի մեկնարկը:

4 օր շարունակ գյումրեցիներն ու քաղաքի հյուրերը հնարավորություն կունենան վայելելու ջազային մեղեդիները:

Ջազային բակերի ընտրությունը պատահական չէ. ջազ կհնչի Հովհաննես Շիրազի և Ավետիք Իսահակյանի թանգարանների, Ասլամազյանների պատկերասրահի, Ժողովրդական ճարտարապետության ու կենցաղի թանգարանի բակերում:

Նախագիծն իրականացվում է ՀՀ կրթության, գիտության, մշակույթի և սպորտի նախարարության ֆինանսավորմամբ։