ԵՐԵՎԱՆ, 3 մայիսի – Sputnik. ՌԴ զինվորականները Զապորոժիեում հարվածել են օտարերկրյա հրահանգիչների կողմից Ուկրաինայի զինված ուժերի մարտիկների պատրաստության վայրին։ Այս մասին ՌԻԱ Նովոստիին հայտնել է «Մենք Ռուսաստանի հետ ենք» շարժման ղեկավար Վլադիմիր Ռոգովը։
Նրա խոսքով` մարտական առաջադրանք կատարող ուկրաինացի զինվորականներին հարվածել են Շևչենկովսկի շրջանում` քարհանքի տարածքում։ Ռոգովը հավելել է, որ այդ պահին զորավարժարանում են եղել նաև օտարերկրյա հրահանգիչներ։
Ավելի վաղ Վլադիմիր Ռոգովը հայտարարել էր, որ Զապորոժիեի մարզում ռազմաճակատի գծում վերջին օրերին թեժացել են հրետանային մենամարտերը։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են մինչ օրս։