ԵՐԵՎԱՆ, 29 ապրիլի – Sputnik. Ամերիկյան Քլիվլենդում (Տեխասի նահանգ) հրաձգության հետևանքով 5 մարդ է զոհվել, որոնց կասկածում են հետախուզման մեջ, հայտնում է ABC News-ը՝ հղում անելով ոստիկանությանը:
Նշվում է, որ չորս մարդու մահն արձանագրվել է տեղում, իսկ հինգերորդը մահացել է հիվանդանոցում: Իշխանությունները հայտնել են, որ զոհերից մեկը 8 տարեկան երեխա է։
«AR-15 տիպի հրացանով զինված կասկածյալի տանը հրաձգության հետևանքով 5 մարդ է զոհվել: Միջադեպը տեղի է ունեցել տեղական ժամանակով մոտավորապես 23:31-ին (Երևանի ժամանակով` այսօր 08:31 - ին)։ Սան Ջասինտո շրջանի շերիֆի գրասենյակի աշխատակիցները Քլիվլենդում հրաձգության մասին ահազանգ են ստացել», - ասված է հաղորդագրության մեջ:
Նշվում է, որ կասկածյալը լատինաամերիկացի է։ Նա հարբած է, զինված AR-15 տիպի հրացանով:
Տեղի բնակիչներին հրահանգվել է տնից դուրս չգալ և հեռու մնալ հանցագործության վայրից մինչև հետաքննության ավարտը: