ԵՐԵՎԱՆ, 26 ապրիլի – Sputnik. Ամերիկացի դերասան Բրյուս Ուիլիսը և նրա նախկին կինը՝ դերասանուհի Դեմի Մուրը, պապիկ–տատիկ են դարձել: Նրանց դուստրը՝ Ռումեր Ուիլիսը, որը նույնպես դերասանուհի է, աղջիկ է լույս աշխարհ բերել և այդ մասին հայտնել ինստագրամյան էջում։
«Լուետտա Այսլի Թոմաս Ուիլիսը... ծնվեց տանը ապրիլի 18-ին», - գրել է նորաթուխ մայրիկը և հրապարակել փոքրիկի լուսանկարը։
Անցյալ տարի հայտնի դարձավ, որ Բրյուս Ուիլիսի մոտ ախտորոշվել է պրոգրեսիվ դեմենցիա։ Նա ստիպված էր ավարտել դերասանական կարիերան։