ԵՐԵՎԱՆ, 25 ապրիլի – Sputnik. Այսօր ԱԺ–ում արտահերթ նիստ է անցկացվում։ ԱԺ նախագահ Ալեն Սիմոնյանն առաջարկեց մեկ րոպե լռությամբ հարգել Հայոց ցեղասպանության զոհերի հիշատակը։
Դրանից հետո «Հայաստան» խմբակցության քարտուղար Արծվիկ Մինասյանն էլ առաջարկեց մեկ րոպե լռությամբ հարգել Սոթքում Ադրբեջանի կրակոցների հետևանքով զոհված Արտյոմ Պողոսյանի հիշատակը։
«Այսօր երկու օր առաջ դավադիր թշնամու գնդակից զոհված Արտյոմ Պողոսյանի հուղարկավորության օրն է։ Առաջարկում եմ մեկ րոպե լռությամբ հարգենք մեր հայրենիքի պաշտպանության համար զոհվածների հիշատակը»,-ասաց Մինասյանը։
Նրա առաջարկը ևս ընդունվեց։
Հիշեցնենք, որ ապրիլի 23-ին ՊՆ–ն հայտնել էր` ժամը 11:50-ի սահմաններում հակառակորդի կրակոցից հրազենային մահացու վիրավորում է ստացել ՀՀ ՊՆ N զորամասի զինծառայող Արտյոմ Արսենի Պողոսյանը:
Վերջին օրերին ադրբեջանական կողմից պարբերաբար կրակոցներ են հնչում Սոթքի ուղղությամբ։ Սոթքի հանքավայրի աշխատանքները մի քանի անգամ դադարեցվել են, իսկ աշխատակիցները տարհանվել են։