Իտալիայում ստորագրահավաք են սկսել Ուկրաինային զենքի մատակարարումն արգելելու համար

ԵՐԵՎԱՆ, 24 ապրիլի - Sputnik. Իտալիայում ստորագրահավաք են սկսել Ուկրաինային զենքի մատակարարումն արգելելու համար։ Տեղեկությունը հայտնում է ՌԻԱ Նովոստին։

Կազմկոմիտեի ներկայացուցիչ Ջուզեպե Մաստրուցոն ասել է, որ ստորագրահավաքի առաջին հանգստյան օրերի ընթացքում ավելի քան 15 հազար իտալացիներ են միացել Ուկրաինային հատկացվող ռազմական օգնությունը չեղարկելու հանրաքվեի նախաձեռնությանը։

«Համեստ հաշվարկներով` երկու օրվա ընթացքում մենք 15 հազար մարդ են հավաքել։ Դա նշանակում է, որ մենք ըստ ժամանակացույցի ենք գնում»,-ասել է գործակալության զրուցակիցը:

Նրա խոսքով` կազմակերպիչները նախատեսում են քվեարկության դնել երկու հարց, որոնք վերաբերում են մինչև դեկտեմբերի վերջ մատակարարումների երկարացմանը և ռազմական օգնություն ուղարկելուն այն երկրներին, որոնց հետ Իտալիան
երկկողմ համաձայնագրերով կապված չէ:

Նա նշել է, որ հանրաքվեով ուզում են խոչընդոտել, որ այդ փոփոխությունների գործողությունը երկարաձգվի դեկտեմբերից հետո:

Քվեարկության երկրորդ հարցը, Մաստրուցոյի խոսքով, պետք է լինի կառավարության կողմից խորհրդարանը շրջանցելով նման որոշումների ընդունման արգելքը, քանի որ նման կարգադրությունը ուժի մեջ է մտնում անմիջապես:

Ստորագրահավաքի համար կազմակերպիչները երեք ամիս ունեն, այդ ընթացքում նրանք պետք է ստանան առնվազն 500 հազար իտալացիների աջակցությունը։ Նրանց ներկայացուցիչը պարզաբանել է, որ այնուհետև ստորագրությունները պետք է հանձնել Վճռաբեկ դատարան` ստուգման համար։ Նման ժամկետները, հավելել է նա, հնարավոր են դարձնում հանրաքվեի անցկացումը հաջորդ տարվա գարնանը։