Ադրբեջանի պաշտպանության նախարարությունը ապատեղեկատվություն է տարածել. ՀՀ ՊՆ

ԵՐԵՎԱՆ, 23 ապրիլի - Sputnik. Ադրբեջանի պաշտպանության նախարարության տարածած հաղորդագրությունն այն մասին, թե իբր ապրիլի 23-ին՝ ժամը 15:10-ի սահմաններում, ՀՀ ԶՈւ ստորաբաժանումները կրակ են բացել հայ-ադրբեջանական սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, հերթական ապատեղեկատվությունն է:

Այս մասին հայտարարել է Հայաստանի պաշտպանական գերատեսչությունը։

Ավելի վաղ ՀՀ ՊՆ-ն հայտնել էր, որ այսօր` ժամը 11:50-ի սահմաններում, նախնական տվյալներով` հակառակորդի կրակոցից, հրազենային մահացու վիրավորում է ստացել ՀՀ ՊՆ N զորամասի զինծառայող Արտյոմ Արսենի Պողոսյանը: