Վահան Քերոբյանը նոր տեղակալ ունի

ԵՐԵՎԱՆ, 18 ապրիլի – Sputnik. ՀՀ վարչապետ Նիկոլ Փաշինյանի որոշմամբ էկոնոմիկայի նախարար Վահան Քերոբյանը նոր տեղակալ ունի։ Տեղեկությունը հրապարակված է e-gov.am կառավարական հարթակում։

«Ղեկավարվելով «Հանրային ծառայության մասին» ՀՀ օրենքի 9-րդ հոդվածի 1-ին մասով` Աշխեն Շիրվանյանը նշանակվել է էկոնոմիկայի նախարարի տեղակալ»,– ասված է որոշման մեջ։

Նշենք, որ Շիրվանյանը եղել է էկոնոմիկայի նախարարության Սննդամթերքի անվտանգության վարչության պետ։

Հիշեցնենք, որ փետրվարի 6-ին Փաշինյանի հրամանով աշխատանքից ազատվել է Քերոբյանի տեղակալ Արմեն Արզումանյանը, որն այդ պաշտոնում նշանակվել էր 2022 թվականի ապրիլին։