Տեղ գյուղում զոհվածների համար Սուրբ Գայանե վանքում կատարվել է հոգեհանգստյան կարգ

ԵՐԵՎԱՆ, 16 ապրիլի – Sputnik. Ամենայն Հայոց կաթողիկոս Գարեգին Երկրորդը Սուրբ Գայանե վանքում կատարվել է հոգեհանգստյան կարգ Տեղ գյուղի սահմանային հատվածում ապրիլի 11-ին ադրբեջանական սադրանքի պատճառով զոհված զինծառայողների հոգիների խաղաղության համար։ Տեղեկությունը հայտնում է Մայր աթոռի տեղեկատվական համակարգը։

Մինչ հոգեհանգստյան արարողությունը ներկաները աղոթել են նահատակված քաջորդիների հոգիների հանգստության, ինչպես նաև վիրավորում ստացած զինվորականների շուտափույթ ապաքինման համար։

Հիշեցնենք` ապրիլի 11-ին Ադրբեջանի ԶՈւ ստորաբաժանումները կրակ են բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈւ զինծառայողների ուղղությամբ, հայկական կողմը դիմել է պատասխան գործողությունների: Ժամը 17:30-ի սահմաններում Ադրբեջանի ԶՈւ ստորաբաժանումները կիրառել են ականանետային միջոցներ։ Ադրբեջանական սադրանքի հետևանքով հայկական կողմն ունի 4 զոհ և 6 վիրավոր։