ԵՐԵՎԱՆ, 13 ապրիլի – Sputnik. Ռիգայում ընթանում է Sputnik և Baltnews լրատվական գործակալությունների հետ համագործակցած 14 լրագրողների դատավարությունը։ Նրանց մեղադրում են «շահադիտական նպատակներով ԵՄ պատժամիջոցների խախտման մեջ»։
Խոսքը «Ռոսիա սեգոդնյա» մեդիախմբի գլխավոր տնօրեն Դմիտրի Կիսելյովի դեմ ներկայացված անձնական պատժամիջոցների մասին է: Դատախազությունում կարծում են, որ աշխատելով այդ գործակալությունների համար՝ լրագրողները «տնտեսական ռեսուրս են փոխանցել» հոլդինգի գլխավոր տնօրենին։
Լատվիայում այսօր ընթանում է նաև «ИМХО клуб» բանավիճային ինտերնետ-հարթակի սեփականատեր Յուրի Ալեքսեևի դատավարությունը: Նա իր գործընկերներ Պյոտր Պոդգորոդնիի և Դմիտրի Սուստրետովի հետ մեղադրվում է «մի խումբ անձանց կողմից նախնական համաձայնությամբ Լատվիայի Հանրապետությանը վնաս հասցնելու մեջ»:
Դատն ընթանում է տեսակոնֆերանսի ձևաչափով. մեղադրյալները գտնվում են Ռիգայում, իսկ դատավորը՝ Վենտսպիլսում: Մարզային դատավորներին ներգրավում են այն պատճառով, որ Ռիգայի բոլոր դատավորները զբաղված են «Տասնչորսի գործով» դատական գործընթացներով, – նշում է Sputnik Բլիժնեե Զարուբեժիեն։ Բանն այն է, որ Լատվիայի դատախազությունը գործը բաժանել է 14 մասի՝ յուրաքանչյուր լրագրողի համար մեկական։