ԵՐԵՎԱՆ, 13 ապրիլի - Sputnik. Մեկնարկել է ԵԱՀԿ գործող նախագահ, Հյուսիսային Մակեդոնիայի ԱԳ նախարար Բույար Օսմանիի աշխատանքային այցը Երևան, հայտնում են ՀՀ ԱԳՆ–ի մամուլի ծառայությունից:
Այս պահին տեղի է ունենում ՀՀ ԱԳ նախարար Արարատ Միրզոյանի և Բույար Օսմանիի առանձնազրույցը, որին կհետևի ընդլայնված կազմով հանդիպումը:
ԵԱՀԿ գործող նախագահ, Հյուսիսային Մակեդոնիայի ԱԳ նախարար Բույար Օսմանին Հայաստանում
© Sputnik / Aram Nersesyan
Նշենք, որ ԵԱՀԿ գործող նախագահ, Հյուսիսային Մակեդոնիայի ԱԳ նախարար Բույար Օսմանիի այցը տարածաշրջանային է։ Մինչ Հայաստան գալը, նա այցելել էր Ադրբեջան։ Բույարի այցը մեր երկիր երկօրյա է` ապրիլի 12-13–ը։
Այցի շրջանակում ԵԱՀԿ գործող նախագահը հանդիպումներ կունենա նաև ՀՀ նախագահի, ՀՀ վարչապետի և այլ պաշտոնատար անձանց հետ: