ԵՐԵՎԱՆ, 13 ապրիլի – Sputnik. Իրանի նախագահ Էբրահիմ Ռայիսին երկրի նախագահների պատմության մեջ առաջին անգամ պաղեստինցի ժողովրդին ուղերձ կհղի։ Այս մասին հայտնում է ՌԻԱ Նովոստին` հղում անելով Al-Resalah լրատվական պորտալի աղբյուրներին։
Ինչպես հայտնել է պորտալը, Իրանի նախագահն առաջին անգամ վաղը Գազայի հատվածում փառատոնի ժամանակ կդիմի պաղեստինցիներին։
Նշվում է, որ միջոցառման շրջանակում կկայանա նաև Գազայում ՀԱՄԱՍ շարժման առաջնորդ Յահյա Սինվարի ելույթը, որն առաջինը կլինի նախորդ տարվա վերջից ի վեր։
Իրանի Իսլամական հեղափոխության պահապանների կորպուսի ռազմածովային ուժերի գլխավոր հրամանատար Ալիրեզա Թանգսիրին էլ հայտնել է, որ ԻՀՊԿ–ի ՌԾՈւ–ն ի աջակցություն պաղեստինցիների Պարսից ծոցում և Կասպից ծովում մեծ շքերթ է անցկացնում։