ԵՐԵՎԱՆ,13 ապրիլի — Sputnik. Հայաստանում ՌԴ Հարավային ռազմական օկրուգի ռազմակայանի T-72B տանկերի անձնակազմերը պայմանական հակառակորդի թիրախներ են խոցել Ալագյազ բարձրլեռնային զորավարժարանում ուսուցման ձմեռային շրջանի վերահսկիչ ստուգման միջոցառումների շրջանակներում: Այս մասին հայտնում է Հարավային ռազմական օկրուգի մամուլի ծառայությունը։
Նշվում է, որ տանկիստները ցերեկային և գիշերային ժամերին բոլոր տեսակի զինատեսակներից կրակել են տարբեր տեսակի թիրախների ուղղությամբ, որոնք նմանակում են «հակառակորդի» կենդանի ուժը, մարտական տեխնիկան և հակատանկային միջոցները: Գիշերը թիրախների խոցումն իրականացվել է հետագծող զինամթերքի և գիշերային տեսանելիության սարքերի կիրառմամբ։
Կրակոցներն իրականացվել են հաստիքային զինամթերքով, Ինչպես տեղից, այնպես էլ շարժվելու ընթացքում տարբեր հեռավորությունների թիրախների ուղղությամբ։ Ուսումնամարտական առաջադրանքների կատարման ժամանակ ռուսական ռազմակայանի զինծառայողները կատարելագործել են անձնակազմերի գործողությունները բարձր մանևրային մարտի, մարտական կարգերի պահպանման, կապի կազմակերպման և ստորաբաժանումների կառավարման ընթացքում:
Բացի այդ, տանկային անձնակազմերը կատարելագործել են տեխնիկայի կառավարման հմտությունները սահմանափակ տեսանելիության և բնական ու արհեստական խոչընդոտներով բարդ բարձրլեռնային տեղանքի պայմաններում: