ԵՐԵՎԱՆ, 13 ապրիլի - Sputnik. ՀՀ արտաքին գործերի նախարար Արարատ Միրզոյանն աշխատանքային այցով կմեկնի Ուզբեկստան, հայտնում է ԱԳՆ մամուլի խոսնակ Անի Բադալյանը։
Ապրիլի 14-ին ՀՀ արտաքին գործերի նախարար Արարատ Միրզոյանն աշխատանքային այցով կգտնվի Սամարղանդում՝ մասնակցելու ԱՊՀ արտաքին գործերի նախարարների խորհրդի նիստին:
Հիշեցնենք՝ արտաքին քաղաքական գերատեսչությունների ղեկավարները մտքեր կփոխանակեն ակտուալ միջազգային և տարածաշրջանային թեմաների շուրջ, կքննարկեն ԱՊՀ ձևաչափում բազմակողմ համագործակցության զարգացման և ամրապնդման հեռանկարները և կամփոփեն 2022 թվականի միջգերատեսչական համագործակցության արդյունքները։
Հանդիպմանը որոշումներ կկայացվեն նաև իրավապահ, կրթական, մշակութային և հումանիտար ոլորտներին առնչվող հարցերի վերաբերյալ։