ԵՐԵՎԱՆ, 12 ապրիլի – Sputnik. «Արմավիր» քրեակատարողական հիմնարկի պահակետերից մեկում դի է հայտնաբերվել։ Տեղեկությունը հայտնում է քրեակատարողական ծառայությունը։
«Ապրիլի 12-ին՝ ժամը 11:20-ի սահմաններում հայտնաբերվել է հիմնարկի պահպանության ապահովման բաժնի ծառայող, 1977թ. ծնված Լ․Մ-ի դին՝ հրազենային վնասվածքով»,– ասված է հաղորդագրությունում:
Նախնական տվյալով՝ նա ինքնասպանություն է գործել իրեն ամրակցված ծառայողական զենքով:
Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ: