ԵՐԵՎԱՆ, 10 ապրիլի – Sputnik. ԱՄՆ նախկին նախագահ Դոնալդ Թրամփը կարծում է, որ ներկայիս իրավիճակի պահպանման դեպքում Ամերիկան շուտով կհասնի համաշխարհային երրորդ պատերազմի, որում ստիպված կլինի կռվել «առանց ռազմամթերքի»։
«Այն ճանապարհով, որով գնում է ԱՄՆ–ն, մենք շուտով կհայտնվենք համաշխարհային երրորդ պատերազմում, այն էլ` առանց զինամթերքի», – ՌԻԱ Նովոստիի փոխանցմամբ` սոցցանցերում գրել է Թրամփը։
Նրա կարծիքով` «Չինաստանի հետ ունեցած և ցանկացած այլ խնդիր լուծելու միակ և օպտիմալ տարբերակը Բայդենից ազատվելն է»։
Նշենք, որ ԱՄՆ նախկին նախագահ Դոնալդ Թրամփը բազմիցս քննադատել է ներկայիս նախագահ Ջո Բայդենին այն բանի համար, որ վերջինս թույլ է տվել Ուկրաինայում հակամարտություն սկսվի, որը հղի է, ըստ Թրամփի, ԱՄՆ–ի և Ռուսաստանի միջուկային առճակատմամբ։