Պենտագոնի գաղտնի փաստաթղթերի արտահոսքը կարող է դժվարացնել ԱՄՆ-ի օգնությունն Ուկրաինային

Գործակալությունը նշում է, որ արտահոսքի ֆոնին ԱՄՆ-ում կարող են դժվարություններ առաջանալ Կիևին օգնելու համար` ուկրաինական զորքերի իբր հավանական գրոհից անմիջապես առաջ։
Sputnik
ԵՐԵՎԱՆ, 10 ապրիլի - Sputnik. Պենտագոնի գաղտնի փաստաթղթերի արտահոսքը կարող է դժվարացնել ԱՄՆ-ի աջակցությունը Ուկրաինային, հաղորդում է Bloomberg գործակալությունը:
«Վերջին տասնամյակի ընթացքում ԱՄՆ-ի ենթադրաբար գաղտնի ռազմական փաստաթղթերի խոշորագույն արտահոսքերից մեկը պաշտպանության նախարարության կողմից պաշտոնական հետաքննություն է հրահրել և կարող է դժվարացնել Ուկրաինային ամերիկյան աջակցությունը Կիևի հարձակումից առաջ»,-ասված է գործակալության հոդվածում:
Անցյալ շաբաթ ԶԼՄ-ները գրել էին, որ ԱՄՆ պաշտպանական գերատեսչությունը հետաքննում է սոցցանցեր որոշ նյութերի արտահոսքը, որոնցում նկարագրվում է ուկրաինական զորքերի վիճակը և դրանց ամրապնդման` ԱՄՆ-ի և ՆԱՏՕ-ի ծրագրերը: New York Times պարբերականը նշել է, որ մարտի սկզբով թվագրվող փաստաթղթերն իբր տարածվում են ռուսական իշխանամետ Telegram ալիքներում։ ՌԴ նախագահի մամուլի քարտուղար Դմիտրի Պեսկովը, պատասխանելով արտահոսքի մասին հարցին, ասել է, որ ՌԴ-ն կասկած չունի, որ ԱՄՆ-ն և ՆԱՏՕ-ն ուղղակի կամ անուղղակի ներգրավված են հակամարտության մեջ:
ԱՄՆ-ն վերսկսել Է Ուկրաինայում կենսալաբորատորիաների կառուցումը. ՌԴ ՊՆ
Ավելի վաղ CNN հեռուստաալիքը հայտնել էր, որ Պենտագոնի գաղտնի փաստաթղթերի արտահոսքը խորապես անհանգստացրել է ամերիկացի պաշտոնյաներին, որոնք մտավախություն ունեն, որ այդ իրավիճակը կարող է վտանգել աղբյուրներն ու խաթարել կարևոր միջազգային հարաբերությունները: