Նեպոմնյաշչին բացել է Շախմատի համաշխարհային թագի համար խաղի հաշիվը

ԵՐԵՎԱՆ, 10 ապրիլի – Sputnik. Ռուսաստանցի գրոսմայստեր Յան Նեպոմնյաշչին հաղթել է չինացի Դին Լիժենին Համաշխարհային շախմատային թագի համար խաղի երկրորդ պարտիայում, որն ընթանում է Աստանայում:

Ռուս գրոսմայստերը սևերով հաղթել է 29-րդ քայլում: Հանդիպման հաշիվը դարձել է 1,5 ։ 0,5՝ հօգուտ Յան Նեպոմնյաշչիի։

Հիշեցնենք, որ աշխարհի գործող չեմպիոն Մագնուս Կարլսենի հայտարարությունից հետո, որ չի պաշտպանի աշխարհի չեմպիոնի իր տիտղոսը, շախմատային թագին հավակնում են ռուսաստանցի Յան Նեպոմնյաշչին ու հավակնորդների մրցաշարում 2-րդ հորիզոնականը գրաված չինացի գրոսմայստեր Դին Լիժենը։

Առաջնությունը կավարտվի մայիսի 1-ին։

Աշխարհի չեմպիոնի կոչման համար առաջնության մրցանակային ֆոնդը կազմում է 2 միլիոն եվրո: Հաղթողը կստանա մրցանակային ֆոնդի 60% - ը, այսինքն՝ 1,2 մլն եվրո, իսկ պարտվողը՝ 40% - ը (800 հազար եվրո): Փլեյ-օֆֆի դեպքում չեմպիոնին բաժին կհասնի 55% - ը՝ 1,1 մլն եվրո, պարտվողին՝ 45% -ը՝ 900 հազար եվրո: