ԵՐԵՎԱՆ, 10 ապրիլի - Sputnik. Ամեն ինչում Ռուսաստանին մեղադրելու հակումն ընդհանուր հիվանդություն է, հայտարարել է ՌԴ նախագահի մամուլի քարտուղար Դմիտրի Պեսկովը` մեկնաբանելով Պենտագոնից «արտահոսքերին» Ռուսաստանի ներգրավվածության մասին պնդումները:
«Ո՛չ, ես ոչ մի կերպ չեմ կարող դա մեկնաբանել, մենք բոլորս գիտենք, որ, ըստ էության, այդպիսի հակում կա ամեն ինչում. միշտ և ամենուր մեղադրել Ռուսաստանին և ամեն ինչ Ռուսաստանի վրա գցել, բայց դա հիմա ընդհանուր հիվանդություն է, ուստի այստեղ մեկնաբանելու ոչինչ չկա»,-ասել է Պեսկովը:
Ավելի վաղ ԶԼՄ-ները գրել էին, որ Պենտագոնը հետաքննում է սոցիալական ցանցեր նյութերի արտահոսքը, որտեղ նկարագրվում են ուկրաինական զորքերի վիճակը և դրանց ամրապնդման` ԱՄՆ-ի և ՆԱՏՕ-ի ծրագրերը: New York Times պարբերականը նշել էր, որ փաստաթղթերը, որոնք թվագրվում են մարտի սկզբով, իբր տարածվում են ռուսական իշխանամետ Telegram ալիքներում։
Պեսկովը հավելել է, որ Պենտագոնից գաղտնի փաստաթղթերի արտահոսքը բավականին հետաքրքիր է, դրանք բոլորն ուսումնասիրում և վերլուծում են:
Ինչ վերաբերում է Ուկրաինայի հետ Զատկի տոնի առթիվ զինադադարի առաջարկին, ապա այդպիսի առաջարկ դեռ ոչ ոք չի ներկայացրել, նշել է Պեսկովը:
Ինչ վերաբերում է Ուկրաինայի հետ Զատկի տոնի առթիվ զինադադարի առաջարկին, ապա այդպիսի առաջարկ դեռ ոչ ոք չի ներկայացրել, նշել է Պեսկովը:
Նա ընդգծել է, որ Մոսկվան արդեն նախաձեռնություններ ձեռնարկել էր, հավատարիմ էր դրանց, սակայն բախվել է այդպիսի ռեժիմին հետևելու` Կիևի դժկամությանը։