ԵՐԵՎԱՆ, 9 ապրիլի – Sputnik․ Ռուսաստանցի գրոսմայստեր Յան Նեպոմնյաշչին և չինացի շախմատիստ Դին Լիժենը ոչ-ոքի են խաղացել Աստանայում ընթացող շախմատի համաշխարհային թագի մրցաշարի առաջին պարտիայում:
Մրցաշարի հաղթող կդառնա այն շախմատիստը, ով առաջինը կվաստակի առնվազն 7,5 միավոր: Ընդհանուր առմամբ նախատեսված է 14 պարտիա։ Ոչ-ոքի արդյունքի դեպքում հաղթողը կորոշվի փլեյ-օֆֆում։
Աշխարհի չեմպիոնի կոչման համար առաջնության մրցանակային ֆոնդը կազմում է 2 միլիոն եվրո: Հաղթողը կստանա մրցանակային ֆոնդի 60% - ը, այսինքն՝ 1,2 մլն եվրո, իսկ պարտվողը՝ 40% - ը (800 հազար եվրո): Փլեյ-օֆֆի դեպքում չեմպիոնին բաժին կհասնի 55% - ը՝ 1,1 մլն եվրո, պարտվողին՝ 45% -ը՝ 900 հազար եվրո:
Առաջնությունը կավարտվի մայիսի 1-ին։
Հիշեցնենք, որ աշխարհի գործող չեմպիոն Մագնուս Կարլսենի հայտարարությունից հետո, որ չի պաշտպանի աշխարհի չեմպիոնի իր տիտղոսը, շախմատային թագին հավակնում են ռուսաստանցի Յան Նեպոմնյաշչին ու հավակնորդների մրցաշարում 2-րդ հորիզոնականը գրաված չինացի գրոսմայստեր Դին Լիժենը։