ԵՐԵՎԱՆ, 9 ապրիլի – Sputnik. Իրանի առաջին փոխնախագահ Մոհամմադ Մոհբերն առաջարկել է Իրանն ու Ռուսաստանը դարձնել տարածաշրջանում պարենային որոշ ապրանքների արտահանման կենտրոն: Tasnim-ի փոխանցմամբ՝ իրանցի բարձրաստիճան պաշտոնյան այս մասին հայտարարել Է Թեհրանում Ռուսաստանի նախագահի հատուկ օգնական Իգոր Լևիտինի հետ հանդիպման ժամանակ։
Մոհբերը նշել է, որ համատեղ արտադրությունը և նման հանգույցի ստեղծման համար ներդրումները թույլ կտան բավարարել տարածաշրջանի երկրների կարիքների մի մասը:
Իր կողմից Լևիտինը Ռուսաստանի պատրաստակամությունն է հայտնել Իրանի հետ համատեղ ներդրումներ անել տարանցման ոլորտում։ Նա նաև ընդգծել է, որ Ռուսաստանը պատրաստ է ակտիվացնել ջանքերը համատեղ տրանսպորտային նախագծերն ավարտին հասցնելու համար։
Նախագահի հատուկ օգնականը նշել է, որ Ռուսաստանը պատրաստ է Իրանի հետ ստորագրել երկկողմ և բազմակողմ համագործակցության համաձայնագրեր՝ տարբեր նախագծեր իրականացնելու համար: