ԵՐԵՎԱՆ, 8 ապրիլի – Sputnik. Ազգային ժողովի` ապրիլի 11-ին մեկնարկվող նիստերից առաջ ««Քաղաքացիական պայմանագիր» կուսակցությունը նիստեր կանի: Տեղեկությունը հայտնում է «Ժողովուրդ» օրաթերթը։
«Երկուշաբթի խմբակցության նիստ կանցկացվի, որի ընթացքում կքննարկեն ԱԺ նիստերի օրակարգի հետ կապված հարցեր: Իսկ արդեն երեքշաբթի ՔՊ վարչության նիստ տեղի կունենա՝ Նիկոլ Փաշինյանի գլխավորությամբ»,– գրում է լրատվամիջոցը:
Պարբերականի տեղեկություններով` վարչության նիստերին իշխող ուժի անդամները վարչապետի հետ կքննարկեն ներքաղաքական և կուսակցաշինական հարցեր: Վարչության նիստին անդրադարձ կլինի նաև Հայաստանի ու Արցախի շուրջ ստեղծված իրավիճակին, ինչպես նաև արտաքին քաղաքական հարցերին: