Իսրայելի Պետահ Տիկվա քաղաքի այգին վերանվանվել է Շառլ Ազնավուրի անունով

ԵՐԵՎԱՆ,3 ապրիլի - Sputnik. Իսրայելի Պետահ Տիկվա քաղաքի հանրային այգին վերանվանվել է աշխարհահռչակ շանսոնյե Շառլ Ազնավուրի անունով, տեղեւանում ենք Իսրայելի հայ համայանքի ներկայացուցիչ Մարինա Կոզլիները ֆեյսբուքյան էջում։

Նշվում է, որ հանրային այգին Շառլ Ազնավուրի անունով անվանակոչելու որոշումը միաձայն ընդունել է Պետահ Տիվկայի քաղաքային խորհուրդը՝ քաղաքապետ Ռամի Գրինպերկի գլխավորությամբ։

Բացման արարողությանը Երուսաղեմի հայոց պատրիարքարանից մասնակցել են դիվանապետ տեր Աղան աբեղա Գոգչյանը, տեր Վազգէն աբեղա Ալեքյանը։

Այգում բացված հուշաքարի վրա արված է հետևյալ գրառումը․

««Շառլ Ազնավուր (1924-2018)․ երգիչ, երգահան, դերասան, ֆրանսիացի, համաշխարհային շանսոնյե, ով կյանքը նվիրել է իր ծննդավայր Հայաստանին և արժանացել է Ազգային հերոսի կոչման: Երկրորդ Համաշխարհային պատերազմի ժամանակ Ազնավուրյան ընտանիքին հաջողվել է բնաջնջումից փրկել տասնյակ հրեական ընտանիքների»,–գրում է կայքը:

Հիշեցնենք` օրեր առաջ Իսրայելի Հայֆա քաղաքի կենտրոնում երկրի ամենաշատ այցելվող զբոսաշրջային վայրերից մեկից՝ Բահայի այգիներից ոչ հեռու, բացվեց Հայոց ցեղասպանության հրապարակը։