ԵՐԵՎԱՆ, 31 մարտի – Sputnik. Հայաստանի որոշ տարածաշրջաններում առատ ձյուն է եկել։ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը ֆեյսբուքյան էջում հրապարակել է ձնապատ Իջանի լուսանկարը։
«Իջանն այսօր»,– գրել է նա։
Սուրենյանի էջի հետևորդների արձագանքը չի ուշացել։ Նրանք լուսանկարներ են հրապարակել Ճամբարակից, Դպրաբակից, Հովքից, Սպիտակից և այլ համայնքներից։
Հիդրոօդերևութաբանության և մոնիտորինգի կենտրոնն ավելի վաղ հայտնել էր, որ օդի ջերմաստիճանը մարտի 31-ին նվազելու է6-8 աստիճանով, ապրիլի 1-ի գիշերը՝ ևս 3-6 աստիճանով։