Սերոբ Բեջանյանը նշանակվել է Սինգապուրում ՀՀ արտակարգ և լիազոր դեսպան

ԵՐԵՎԱՆ, 31 մարտի – Sputnik. Ինդոնեզիայի Հանրապետությունում ՀՀ արտակարգ և լիազոր դեսպան Սերոբ Բեջանյանը համատեղության կարգով նշանակվել է Սինգապուրի Հանրապետությունում Հայաստանի Հանրապետության արտակարգ և լիազոր դեսպան։ Համապատասխան հրամանագիրը ստորագրել է ՀՀ նախագահ Վահագն Խաչատուրյանը։

Դեսպանի նստավայրը կլինի Ջակարտայում։

Հիշեցնենք, որ Բեջանյանը Ինդոնեզիայի Հանրապետությունում Հայաստանի Հանրապետության արտակարգ և լիազոր դեսպանի պարտականությունները կատարում է 2022 թվականի հուլիսի 11-ից։