ԵՐԵՎԱՆ, 29 մարտի – Sputnik. Ուկրաինայի նախագահ Վլադիմիր Զելենսկին «Associated Press» գործակալությանը տված հարցազրույցում հայտարարել է, որ եթե Կիևը պարտվի Արտյոմովսկում (ուկրաինական անվանումը` Բախմուտ), թե՛ Արևմուտքը, թե՛ սեփական քաղաքացիները ճնշում կգործադրեն իր վրա` կոչ անելով փոխզիջման գնալ Ռուսաստանի հետ։ ՏԱՍՍ-ը հարցազրույցից մի հատված է մեջբերում։
Զելենսկին հավելել է, որ եթե Ուկրաինան կորցնի այս բնակավայրը, դա արագորեն կհանգեցնի այդպիսի ճնշման:
«Մեր հասարակությունն իրեն հոգնած կզգա։ Մեր հասարակությունն ինձ կստիպի փոխզիջման գնալ նրանց հետ»,- հայտարարել է նա:
«Մեր հասարակությունն իրեն հոգնած կզգա։ Մեր հասարակությունն ինձ կստիպի փոխզիջման գնալ նրանց հետ»,- հայտարարել է նա:
Միևնույն ժամանակ Զելենսկին ընդգծել է, որ արևմտյան երկրների կողմից դեռևս ոչ մի ճնշում չի եղել: Հակառակը` միջազգային հանրությունը բազմակողմանի աջակցություն է ցուցաբերում Ուկրաինային։
Արտյոմովսկը գտնվում է ԴԺՀ-ի` Կիևի վերահսկողության տակ գտնվող հատվածում, կարևոր տրանսպորտային հանգույց է Դոնբասում ուկրաինական զորախմբի մատակարարումների ապահովման համար։ Արտյոմովսկի համար կատաղի մարտեր են ընթանում։ Ռազմաքաղաքական փորձագետ, ԴԺՀ ղեկավարի ժամանակավոր պաշտոնակատարի խորհրդական Յան Գագինն այսօր հայտարարել է, որ քաղաքը գրեթե ամբողջությամբ շրջափակված է ՌԴ ուժերի կողմից, դեպի Արտյոմովսկ տանող բոլոր ճանապարհները վերահսկում է ռուսական հրետանին։
Ավելի վաղ նա տեղեկացրել էր, որ ռուսական ուժերը վերահսկում են Արտյոմովսկի տարածքի մոտ 70 տոկոսը։ ԴԺՀ ղեկավարի ժամանակավոր պաշտոնակատար Դենիս Պուշիլինը բազմիցս նշել է, որ որևէ վկայություն չկա, թե ուկրաինական զորքերը պատրաստվում են լքել Արտյոմովսկը: Միևնույն ժամանակ Կիևում պնդում են, որ քաղաքի պաշտպանությունը կուժեղացվի: Զելենսկին ավելի վաղ հայտարարել էր, որ ուկրաինական զորքերը չեն հանձնի Արտյոմովսկը և կպայքարեն այնքան, որքան կկարողանան։