ԵՐԵՎԱՆ, 29 մարտի – Sputnik. ՀՀ վարչապետ Նիկոլ Փաշինյանի որոշմամբ` էկոնոմիկայի նախարարի տեղակալ Նարեկ Տերյանը ապրիլի 3-5-ը կգործուղվի Մոսկվա, տեղեկանում ենք ՀՀ էլեկտրոնային կառավարման հարթակից։
Տերյանի հետ Մոսկվա կգործուղվի նաև էկոնոմիկայի նախարարության արդյունաբերության քաղաքականության վարչության պետ Արմեն Եգանյանը։
Նրանք Մոսկվայում կմասնակցեն հայ-ռուսական գործարար համաժողովին։
Տերյանն ու Եգանյանը գործուղումից վերադառնալուց հետո եռօրյա ժամկետում Ռուսաստանի Դաշնություն գործուղման արդյունքների մասին հաշվետվություն պետք է ներկայացնեն վարչապետի աշխատակազմ և ԱԳՆ։