ԵՐԵՎԱՆ, 29 մարտի – Sputnik. Երևանի Վազգեն Սարգսյանի անվան «Հանրապետական» մարզադաշտի մոտ մարտի 28-ին երկու երիտասարդներ վիճել են անվտանգության աշխատակցի հետ, հայտնում է ոստիկանության մամուլի բաժինը։
Ոստիկանության Կենտրոնական բաժնի համայնքային ոստիկանները Վազգեն Սարգսյանի անվան մարզադաշտի տարածքում, խուլիգանություն կատարելու կասկածանքով, ձերբակալել և բաժին են ներկայացրել 32 և 34 տարեկան երկու երիտասարդների:
«Պարզվել է, որ մարզադաշտի դարպասների մոտ նրանք և անվտանգության աշխատակիցը վիճաբանել են, հայհոյել, անհարգալից վերաբերմունք դրսևորել իրար նկատմամբ, իսկ անվտանգության աշխատակիցը խփել է 34-ամյա երիտասարդին»,–ասված է հաղորդագրության մեջ:
Քրեական հետախույզների բացատրական աշխատանքի շնորհիվ անվտանգության աշխատակիցը ներկայացել է բաժին:
Կազմված փաստաթղթերը ներկայացվել են նախաքննական մարմին:
Կազմված փաստաթղթերը ներկայացվել են նախաքննական մարմին: