Ալեքսանդր Խրոլենկո, ռազմական վերլուծաբան
Բարձր ինտենսիվության մարտական գործողությունները Կիևի ռեժիմի ապազգայնացման օպտիմալ ձևաչափն են։ Հետևաբար Արտյոմովսկն ու Ավդեևևկան ռուսական ռազմական հատուկ գործողության քարտեզի վրա ոչ թե աշխարհագրություն են, այլ ռազմավարություն, ուկրաինական բանակի և ՆԱՏՕ-ի ռազմական ներուժի արդյունավետ ոչնչացման ստուգիչ կետեր:
Բրիտանական ԶԼՄ–ները հայտնել են, որ Ուկրաինան Արտյոմովսկի մարտերում ամեն օր շուրջ 200 զոհ է ունենում։ ՌԴ ՊՆ–ն հայտնել է, որ ռազմական հատուկ գործողությունների գոտում նախորդ մեկ օրվա ընթացքում ավելի քան 620 ուկրաինացի զինծառայող է ոչնչացվել։
Ուկրաինական ԶՈւ–ի մեքենայացված բրիգադները մինչ օրս սպասում են արևմտյան «Bradley» և «Marder» տեսակի հետևակի մարտական մեքենաներին` տեղաշարժվելով հին M1224 զրահամեքենաներով։
Խոստացված բրիտանական 14 «Challenger-2» տանկերի մարտական հզորությունը 1000 կմ–անոց ճակատային գծում կարող է ընդամենը տարակուսանք առաջացնել կամ ասոցացվել հին Հռոմի ժամանակների գլադիատորական մարտերի հետ։ Անգամ եթե գումարենք 20 հատ «Bulldog» զրահափոխադրիչներն ու 30 հատ AS-90 ինքնագնաց հրետանային կայանքները։
ՆԱՏՕ–ական հին «Լեոպարդների» և «Աբրամսների» մի քանի տասնյակ, հնարավոր է` հարյուրավոր հեռանկարային մատակարարումները նույնպես չեն կարող ուկրաինական ռազմական թատերաբեմում փոխել ՌԴ զինված ուժերի ռազմավարական գերակայությունը։
Կիևին «դոնոր–երկրների» կողմից (ՌԴ–ի թշնամիների) դոլարներով և եվրոներով տրամադրվող ռազմական օգնությունը կարծես թե կայուն է, սակայն ավիացիայի և ծանր զրահատեխնիկայի պակասը, ուկրաինական հրետանու «արկային սովն» ու ՌԴ զորքերի կրակային բազմակի գերազանցությունը հետզհետե ցրում են պատրանքները։
ԱՄՆ–ի և ՆԱՏՕ–ի քաղաքական գործիչներն ու ստրատեգները «մարտի դաշտում Ռուսաստանի նկատմամբ հաղթանակի» վերաբերյալ նախորդ տարվա զառանցանքն այլևս չեն տարածում, ՌԴ–ի «թուլացմանը» համաձայն են նույնիսկ զանգվածային զորահավաքի և Կիևի վերահսկողության տակ գտնվող տարածքի բնակչության աստիճանական ոչնչացման մեթոդով։ Ինչպես ասում են, էժան և որակով։ Ու ամերիկացիներին բնորոշ ձևով` պրակտիկ, չէ՞ որ պատմության նոր շրջափուլում այդ մարդիկ կարող են Ռուսաստան վերադառնալ ու այդպիսով ուժեղացնել նրա դիրքերը։