ԵՐԵՎԱՆ, 24 մարտի - Sputnik. Խաչատրյան եղբայրների ստեղծած նոր փայտե ակնոցները հնարավորություն են տալիս երաժշտություն լսել կամ հեռախոսազանգի պատասխանել: Այս պահին սմարթ ակնոցները դեռ եզակի օրինակներով են՝ մասսայական արտադրության պատրաստ չեն՝ եղբայրները խոստանում են դրանք կատարելագործել և շուկա հանել միայն այն ժամանակ, երբ որակը լիարժեք կբավարարի առաջին հերթին հեղինակներին:
Գյումրեցի եղբայրների փայտե ակնոցները վերածվում են «սմարթի»
© Photo : provided by Khachatryan brothers
Ժամանցային ակնոցները ստեղծվել են վերջերս՝ Գերմանիայի միջազգային համագործակցության ընկերության /JIZ/ հետ միասին, որին հետևեց լսողական խնդիրներ ունեցող անձանց համար նախատեսված ակնոցը։ Այն միաժամանակ երկու խնդիր է լուծում՝ տեսողական և լսողական:
«Շատերն ունենալով լսողական խնդիր, կոմպլեքսավորվում են՝ չցանկանալով սարք կրել, իսկ այսպես լուծվում է այդ խնդիրը։ Բաացի այդ, շատ կարևոր է, որ ակնոցը էկոլոգիապես մաքուր նյութից է»,-մեզ հետ զրույցում նշում է Բաբկեն Խաչատրյանը հավելելով, որ ընկերությունը ամեն վաճառված ակնոցի փոխարեն տնկում է 1 ծառ՝ Էկոհավասարակշռությունը պահպանելու համար:
Գյումրեցի եղբայրների փայտե ակնոցները վերածվում են «սմարթի»
© Photo : provided by Khachatryan brothers
Փայտե ակնոցներին Sputnik Արմենիան առաջիններից է անդրադարձել: Տարիների ընթացքում Իտալիայից ներկրված՝ տարբեր երկրների էքսկլյուզիվ փայտերով Գյումրիում ստեղծված ձեռագործ բրենդը արդեն ճանաչում է ձեռք բերել նաև Հայաստանի սահմաններից դուրս: