ԵՐԵՎԱՆ, 24 մարտի – Sputnik. «Ֆեյսբուք» սոցիալական ցանցի հիմնադիր («Meta»-ի սեփականատեր) Մարկ Ցուկերբերգը և նրա կինը՝ Պրիսցիլա Չանը, երրորդ անգամ են ծնող դարձել։ Լույս աշխարհ է եկել նրանց դուստրը՝ Աուրելիան։ Գործարարն այդ մասին հայտնել է սոցցանցային էջերում։
«Բարի գալուստ աշխարհ, Աուրելիա Չան Ցուկերբերգ: Դու փոքրիկ օրհնություն ես»,- գրել է նա և դստեր հետ լուսանկար հրապարակել։
Նշենք, որ Ցուկերբերգն ու Չանը ծանոթացել են 2003 թվականին ուսանողական երեկույթի ժամանակ։ Նրանք ամուսնացել են 2012 թվականին։
Ցուկերբերգը սեպտեմբերին էր հայտնել, որ սպասում են երրորդ դստեր լույս աշխարհ գալուն։