ԵՐԵՎԱՆ, 24 մարտի – Sputnik. «Հայանտառ» ՊՈԱԿ-ի «Դսեղի անտառտնտեսություն» մասնաճյուղի անտառապահ Բ.Պ.-ն պատշաճ չի կատարել իր պարտականությունները, որի արդյունքում պետությանը պատճառվել է վնաս։ Տեղեկությունը հայտնում է ՀՀ դատախազությունը։
Մասնավորապես, 2020 թվականի նոյեմբերի 24-ից մինչև 2021 թվականի հուլիսի 22-նապօրինի հատվել են տարբեր տեսակի 52 ծառեր և 7 ճյուղեր՝ պետությանը պատճառելով 5 մլն 43 հազար դրամի վնաս:
Նախաքննության ընթացքում Բ.Պ.-ն չի վերականգնել պատճառված վնասը:
2021 թվականի սեպտեմբերի 6-ին նախաձեռնվել է քրեական վարույթ: 2022 թվականի մարտի 28-ին Բ.Պ.-ին մեղադրանք է ներկայացվել քրեական օրենսգրքի 315-րդ հոդվածի 2-րդ մասով (պաշտոնական անփութություն):
Դատախազը 2023 թվականի մարտի 20-ին քրեական վարույթը մեղադրական եզրակացությամբ ուղարկել է դատարան: Միաժամանակ ներկայացվել է հայցադիմում՝ պետությանը պատճառված վնասի վերականգնման նպատակով: