ԵՐԵՎԱՆ, 23 մարտի – Sputnik. Լավ կլիներ, եթե ԱՄՆ պետքարտուղար Էնթոնի Բլինկենը նաև իր հայտարարություններում անդրադառնար միջազգային պայմանագրերի իրավունքի մասին Վիեննայի կոնվենցիային, որտեղ սևով սպիտակի վրա գրված է, որ սպառնալիքի կամ ուժի կիրառման դեպքում ցանկացած համաձայնագիր առ ոչինչ է։ Այս մասին Ազգային ժողվում խորհրդարանական ճեպազրույցների ժամանակ ասաց ԱԺ «Հայաստան» խմբակցության քարտուղար Արծվիկ Մինասյանը։
Ավելի վաղ ԱՄՆ պետքարտուղար Էնթոնի Բլինկենը հայտարարել էր, որ Ադրբեջանն ու Հայաստանը շուտով կարող են խաղաղ պայմանավորվածություններ ձեռք բերել:
«Ցեղասպան Ադրբեջանին և Ալիևին զսպելու փոխարեն նրանք խոսում են ինչ-որ պարտադրանքների մասին»,–հավելեց Մինասյանը։
Նշենք, որ Վիեննայի կոնվենցիայի 52-րդ հոդվածում ասվում է հետևյալը` պայմանագիրն առոչինչ է, եթե դրա կնքումը ՄԱԿ-ի Կանոնադրության մեջ ամրագրված միջազգային իրավունքի սկզբունքների խախտմամբ, դա ուժի կիրառման սպառնալիքի արդյունք է։