ԵՐԵՎԱՆ, 22 մարտի – Sputnik. Մեծ Բրիտանիայի նախկին վարչապետ Բորիս Ջոնսոնը ներողություն է խնդրել, որ խորհրդարանին շփոթեցրել է համավարակի թեժ ժամանակ Դաունինգ սթրիթում տեղի ունեցած երեկույթներով` կրկնելով, որ դա հատուկ չէր արվել։ Այս մասին հայտնում է ՌԻԱ Նովոստին։
Նախօրեին Ջոնսոնը պարզաբանել է, որ իր հայտարարությունները բարի նկատառումներով են արվել։ Մեծ Բրիտանիայի կառավարության նախկին ղեկավարի պնդմամբ` նրա դիմումները հիմնված էին նրա վրա, ինչ ինքն իսկապես գիտեր, և ինչին հավատում էր այն ժամանակ։
«Ներողություն եմ խնդրում Համայնքների պալատին ակամա մոլորեցնելու համար։ Սակայն ասել, որ արել եմ դա անմտորեն կամ հատուկ սխալ է, ինչպես ցույց են տալիս ապացույցները», – խորհրդարանական կոմիտեում ցուցմունք տալիս ասել է Ջոնսոնը։
Նրա խոսքով` որևէ ապացույց չկա, որ ինքը նախապես նախազգուշացվել է Դաունինգ սթրիթում տեղի ունեցած միջոցառումների անօրինական լինելու մասին կամ ինչ-որ մեկը բարձրաձայնել է հակաքովիդային կանոնների խախտման վերաբերյալ։ Ջոնսոսնը հավելել է նաև, որ իրեն վստահեցրել են, որ բոլոր կանոններն ու պահանջները պահպանվում են։
Այսօր Բորիս Ջոնսոնը ցուցմունք է տվել խորհրդարանական կոմիտեում։ Եթե պարզվի, որ նախկին վարչապետը կանխամտածված է մոլորեցրել խորհրդարանին, նրան կարող են 10 օրով հեռացել Համայնքների պալատի աշխատանքից, ինչը կարող է առիթ դառնալ նրա պատգամավորական մանդատի հետկանչման մասին ստորագրահավաքի համար։
2022 թվականի հունիսի վերջին Համայնքների պալատի արտոնությունների հարցերով միջկուսակցական խորհրդարանական կոմիտեն հայտարարել էր, որ վկաներ և ապացույցներ է փնտրում, որոնք կօգնեն պարզել, թե արդյոք Ջոնսոնը մոլորեցրել է խորհրդարանին կապված իր երեկույթների շուրջ ծավալված սկանդալի հետ։ Կոմիտեն մարտի սկզբին զեկույց էր հրապարակել, որում մանրակրկիտ չորս դեպք էր նկարագրվում, երբ նախկին վարչապետը կարող էր մոլորության մեջ գցել խորհրդարանին այդ երեկույթների հետ կապված։
Սկանդալն առաջացել էր Դաունինգ սթրիթի կառավարական նստավայրում կորոնավիրուսի օրերին համազգային լոքդաունի ժամանակ տեղի ունեցած միջոցառումների շուրջ։ Իրավիճակը սրվել էր, երբ պարզվել էր, որ ևս երկու երեկույթ տեղի էր ունեցել 2021 թվականի ապրիլի 16-ին` արքայազն Ֆիլիպի թաղման նախօրեին, երբ Միացյալ Թագավորությունում դեռ սահմանափակումներ էին գործում, իսկ երկրում ազգային սուգ էր հայտարարված։ Ավելի ուշ Ջոնսոնը ներողություն էր խնդրել և հայտարարել, որ վճարել է ոստիկանության դուրսգրած տուգանքը։