ԵՐԵՎԱՆ, 22 մարտի – Sputnik. Արմավիրում կասեցվել է ավազի լվացմամբ զբաղվող ընկերության ապօրինությունը, տեղեկությունը հայտնում է ՀՀ բնապահպանության և ընդերքի տեսչական մարմինը։
Նշվում է, որ մարմնի աշխատակիցները դիտարկում են իրականացրել Արմավիրի մարզի Էջմիածին-Մարգարա խճուղի 5 հասցեում գործող «Բլեսկ» ՍՊԸ-ին պատկանող ավազի լվացման և բետոնի արտադրամասում:
Արմավիրում կասեցվել է ավազի լվացմամբ զբաղվող ընկերության ապօրինի գործունեությունը
Պարզվել է, որ ընկերությունը գործունեության ընթացքում արտադրական նպատակով տարածքում գտնվող ստորերկրյա ապօրինի խորքային հորից իրականացնում է ջրօգտագործում՝ առանց համապատասխան թույլտվության:
ԲԸՏՄ Արմավիրի տարածքային բաժնի պետի որոշմամբ կասեցվել է ապօրինի խորքային հորի շահագործումը։