ԵՐԵՎԱՆ, 21 մարտի – Sputnik. Ադրբեջանական վերահսկողության տակ գտնվող տարածքում հայտնվածը ՀՀ ԶՈւ զինծառայող է։ Տեղեկությունը հայտնում է ՀՀ պաշտպանության նախարարությունը։
Ավելի վաղ տեղեկացրել էինք, որ Սյունիքում ադրբեջանցիները Խնձորեսկի բնակչի են առևանգել։
«Մարտի 21-ին՝ ժամը 12:20-ի սահմաններում, ՀՀ ԶՈւ զինծառայող Մ. Գ.-ն մարտական հենակետ մեքենայով սնունդ տեղափոխելիս վատ տեսանելիության և մառախուղի պայմաններում, նախնական տվյալներով, մոլորվել է տեղանքում ու մեքենայով հայտնվել ադրբեջանական վերահսկողության տակ գտնվող տարածքում»,– ասված է ՊՆ–ի հաղորդագրությունում։
Ըստ գերատեսչության` անմիջապես մեկնարկել են որոնողափրկարարական աշխատանքներ, քայլեր են ձեռնարկվում զինծառայողի՝ ադրբեջանական վերահսկողության տակ գտնվող տարածքում հայտնվելը հաստատելու և նրան վերադարձնելու ուղղությամբ։